Obtense da destilación de bagazos de uva é dicir dos restos que non ten aproveitamento no proceso de elaboración do viño. Pertence á mesma familia de destilados que os marc franceses, grappas italianos, bagaçeiras portugueses ou tsiroupos gregos. Antigamente era considerada a bebida dos pobres e hoxe é valorado por todo o mundo. O termo "orujo" non ten tradición en Galicia é só un nome comercial para dar a coñecer o noso augardente fora do país.

Variedades que se comercializan

Augardente de "Orujo"

Aspecto, transparente-limpo. Incolora. Aroma e sabor intenso, fino, delicado, propio da materia prima da que procede, exento de calquera outro.

Augardente de "Orujo" envellecida

Aspecto, traslúcido-limpo.Cor ambarina-tostada. Aroma e sabor intenso, fino, delicado, que recorda a materia prima de que procede, con características de envellecemento natural e exento doutros elementos estraños.

Variedades de uva autorizadas

Entre as distintas variedades de uvas empregadas para a obtención de bagazo e elaboración de "Orujo de Galicia" están as seguintes:

Brancas

Albariño, Godello, Loureira, Torrontés, Treixadura, Dona Branca.

Tintas

Mencía, Caíño Bravo, Ferrón, Espadeiro, Merenzao ou María Ordoña.

Ver uvas galegas