Pódese dicir que cada parroquia galega ten o seu pan característico, aínda que moitos desapareceron ou están a piques de facelo debido á escaseza do noso trigo e a competencia da fariña importada, moito máis económica. Tamén inflúe a falla de demanda de calidade por parte dos consumidores, afeitos nos últimos anos ó pan industrial e mesmo conxelado.

A falla de trigo do país fai que algúns se preocupen ultimamente por conservar e potenciar as nosas variedades para poder seguir fornecendo ás panaderías e acabando ó mesmo tempo coa estampa do panadeiro á procura do cereal polas aldeas.

O segredo do pan galego, se hai algún é a utilización do trigo do país, pero hai expertos que sosteñen o moído do gran nun muíño tradicional ou a auga utilizada confírelle ó pan un sabor e unha textura moi diferente.

Os seguintes tipos de pan son os que parece resistiron mellor os tempos, pero por toda Galicia hai variedades locais a penas coñecidas é de excelente calidade.